ශ්වේත වර්ණ ආලෝකයෙන් උපදින කිරණ අධ්‍යාත්මික බලය වේ. එයින් නිකුත් වන මූලික වර්ණ තුන නිල්, කහ, රතු හයිඩ්‍රජන්, කාබන්, ඔක්සිජන්, යැයි නම් කෙරේ. නිවැරැදි ආලෝකය දැකීමේදී දීප්තිමත් බවත් උෂ්ණ හා සීත යැයි කලාප දෙකකට බෙදේ. කෘත්‍රිමව ආලෝක නිකුත් කරනු ලබන වර්ණවල සමතුලිතභාවයක් නැත. එවැනි ආලෝක කදම්භය ඇතුළත සිටීම නිසා හිසරදය, ඇස්වල වේදනාව, ශක්තිය හීනවීම වැනි ආපදාවන්ට ගොදුරුවේ. ප්‍රතිදීප්ත ලාම්පුවලින් නීල වර්ණයෙන් පාරජම්බුල වර්ණයන් පිට කරයි. සුදුම එළියක් ලැබෙනුයේ “ටන්ස්ටන් හැලජන්” ලාම්පු හරහාය. මේවා ඉතාම ප්‍රබලය. අඩු විදුලි ධාරිතා ලාම්පුවල ශක්තීන් නිවසට ප්‍රමාණවත් වන අතර ඒවා වැඩි වශයෙන් යෙදීම සුදුසුයි. අඩු ධාරිතාවයෙන් යුක්ත සෞම්‍ය වර්ණාලෝකය සිරුරට හිතකර වේ. වැඩි ආලෝකයන් නිතර භාවිතයෙන් විවිධ ව්‍යාධිවලට ලක්වන්නේය. ළා නිල් පැහැය, සිරුරට අතිශයින්ම හිතකරයි. බෝ වෘක්ෂයක් පිට කරනුයේ එවැනි සෞම්‍ය වර්ණයකි. පාඩම් කිරීමට, භාවනා කිරීමට මෙම වර්ණය ඉතාමත්ම හිතකරයි. ධාරණ ශක්තිය ඇතිවේ. කොළ පැහැය (හරිත) ඇස්වලටත් මුළු සිරුරටත් ඉතාම සුබවාදී වේ. සිරුරට සමතුලිතභාවය ඇතිකරයි. ඉවසීම තපෝ ගුණය වඩයි. සිරුරේ ක්‍රියාවලිය සන්සුන් වේ. ගණ වනාන්තරයක් ඇතුළට ගිය විට එය හොඳින්ම දැනේ. වර්ණ විදුදරයන් මෙවන් වර්ණ මැනවින් හඳුනාගෙන තිබේ.
රතු වර්ණය මනස අසංවර කරන අතර උද්වේගකාරීවේ. කාම රාගය ඇවිස්සෙනු ඇත. කුරිරුකම, පලිගැනීම, සටන්වැදීම ආදියට පෙළඹේ. ඒ රතු පැහැයේ නිධාන ලක්ෂණය වන්නේය.
තැඹිලි පැහැය මානසික ආතති මුදාහැර සංවරශීලී වේ. විසිත්ත කාමරයකට ඉතාම යෝග්‍ය වේ. රෝස පැහැය කාන්සිය පාළුව මකා දමන අතර සිත ප්‍රබෝධජනක කරයි. මිත්‍රශීලීය. ආලය ආදරය සෙනෙහස වර්ධනය වේ. ළා දම් පැහැය භාවිත කරනුයේ මානසික ප්‍රතිකාර කරන තැන්වලයි. ස්නායු ආබාධ තුරන් වේ. ‘අල්ට්‍රාවයලට් රේස්’ නමින් හැඳින්වේ. සිත නිදහස් වී සාමය සතුට වහා එළඹේ. භාවනා කිරීමටත් සුදුසුය. වර්ණ සංයෝජනය තරංග මිනිස් දිවියට බලපෑම් කෙරේ. අවකාශයේ සමතුලිතතාවයට දෝලනය වේ. හිරුගෙන් නිකුත් වන වර්ණ ජාලය 6017කට ආසන්න බැව් වර්ණ විද්‍යාඥයන්ගේ මතයයි. නිවසෙක ඇතුළත වර්ණාලේප කිරීමේදී ශරීර සෞඛ්‍යයට හිතකර ධනාත්මක වර්ණ සංයෝජනයකින් පිරිපුන් වීම ඉතාම යහපත්ය. මනසට වධදෙන අතිශයින් උණුසුම් රතු වැනි වර්ණ නිවසකට යෙදීමට යෝග්‍ය නොවේ. වර්ණ ගුණාත්මක බවින් පොහොසත් විය යුතුමය.
රතු, කහ, රන් පැහැයන් ධනාත්මකවද නිල්, කොළ, ළා රෝස භෞතිකමය සතුටද උපදවයි. අළු පැහැය ඍණ තත්ත්වයක් ඉස්මතු කරයි. මෙකී වර්ණවලට අමතරව නිවස තුළ සිරුරට හිතකර විවිධ සුවඳ වර්ග භාවිතයද යහපත්ය. ඖෂධීය වට්ටෝරු අනුව සුවඳ ධූපයන්ගෙන් දුම් ඇල්ලීමද පැරැණි නිවාසවල කෙරිණ. අෂ්ටගන්ධ ධූපය හා වෙනත් විවිධ වන ඖෂධීය සුවඳ ධූපයන් නිතර භාවිත කිරීමෙන් ශරීර සෞඛ්‍යයට හිතකර වන බැව් ගුප්ත විද්‍යාවේ දක්වා ඇත්තේය. ඒ සඳහා දේශීය ඖෂධීය වන ඖෂධ එක්රැස් කර සාදාගන්නා ලද වට්ටෝරුවක් මෙසේ දක්වමු.
සුදුහඳුන්, රත්හඳුන්, නාමල් රේණු, අගිල්, ඊතණ, සුවඳකොට්ටං, ජටාමාංශ, කර්කටශ්‍රිංගි, වදකහ, සැවැන්ද හා නෙලුම් රේණු, තුවරලා, එන්සාල් සහ සාම්බ්‍රානි සමග මිශ්‍ර කරගත් එකී සුවඳ ධූපය නියමිත මන්ත්‍රයකින් ජපකර උදේ හවස නිවස තුළ දුම් ඇල්ලීමෙන් වාතය පවිත්‍ර වේ. දෝෂ දුරුවී නිවෙසට සෞභාග්‍යය උදාවන බැව් දැක්වේ.
ප්‍රවීණ ජ්‍යොතිෂ සහ වාස්තු විද්‍යාවේදී දේශබන්දු ටී. හෙන්රි බෙම්මුල්ල
