කාර්ය මණ්ඩල මට්ටමේ එකඟතාවයකට පැමිණීමෙන් පසු, අපේක්ෂා කරන ජාත්යන්තර මූල්ය අරමුලේ (IMF) විස්තීරණ අරමුදල් පහසුකමට (EFF) පූර්ණ අනුමැතිය ලබා ගැනීම සඳහා මාස හයක් පමණ ගත විය හැකි බවත්, රටේ බාහිර ණය හිමියන් සමඟ, විශේෂයෙන් චීනය සමඟ සාකච්ඡා කිරීම අභියෝගයක් බවත් විශේෂඥයෝ පවසති. .
දැනට ශ්රී ලංකාවේ සිටින IMF කාර්ය මණ්ඩල කණ්ඩායම අපේක්ෂා කරන ණය පහසුකම පිළිබඳ කාර්ය මණ්ඩල මට්ටමේ එකඟතාවකට පැමිණීමේ අරමුණින් බලධාරීන් සමඟ සාකච්ඡා ආරම්භ කොට තිබේ.
එම සාකච්ජා බදාදා අවසන් වීමට නියමිත අතර සාකච්ඡා අවසන් වීමෙන් පසු කාර්ය මණ්ඩල මට්ටමේ එකඟතාවකට පැමිණීමට මහ බැංකුව අපේක්ෂා කරයි.
මෙම වසර අවසන් වන විට IMF වැඩසටහනේ පළමු වාරිකය ලබා ගැනීමට හැකි බවට මහ බැංකු අධිපති ආචාර්ය නන්දලාල් වීරසිංහ මහතා විශ්වාසය පළ කොට ඇත.
කෙසේවෙතත් ඔස්ට්රේලියානු ජාතික විශ්වවිද්යාලයේ ආර්ථික විද්යාව පිළිබඳ මහාචාර්ය ප්රේමචන්ද්ර අතුකෝරල මහත්මිය අදහස් දක්වමින් පෙන්වා දී ඇත්තේ IMF වැඩසටහන සඳහා ශ්රී ලංකාවට අනුමැතිය ලබාගැනීමට තවත් මාස 6-7ක කාලයක් ගතවනු ඇතැයි අදහස් කරයි.
“සැම්බියාව IMF සමඟ සාකච්ඡා ආරම්භ කරලා ඔවුන් 2020 දෙසැම්බරයේ IMF සමඟ කාර්ය මණ්ඩල මට්ටමේ ගිවිසුමකට එළැඹුණා, කෙසේ වෙතත්, ණය ප්රතිව්යුහගත කිරීම සම්පූර්ණ කිරීමට පසුගිය සතිය දක්වා ඔවුන්ට ගත වුණා, මන්ද චීන ජාතිකයන් මුලින් ණය ප්රතිව්යුහගත කිරීමට සහභාගී වීමට අකමැති වූ බැවින්. සමස්තයක් වශයෙන්, එය මාස 7 ක් පමණ වුණා, ” යැයි ඇය පැවසීය.
කෙසේ වෙතත්, දෙසැම්බර් මාසය වන විට බාහිර ණය හිමියන්ගෙන් ශ්රී ලංකාවට අවශ්ය මූල්ය සහතික ලබා ගැනීමේ හැකියාව තවමත් පවතින බව ආචාර්ය කුමාරස්වාමි ප්රකාශ කළේය.
“චීනයේ ප්රවේශයේ වෙනසක් ඇති විය හැකි බැවින්, දෙසැම්බර් වන විට පළමු වාරිකය ලබා ගැනීම කළ නොහැක්කක් නොවේ,” යැයි ඔහු සඳහන් කළේය.
