ගාලු මුවදොර පරිශ්රයේ ඇති ගෝඨාගෝගමට සමගාමීව අරලිය ගහ මන්දිරය ඉදිරිපිට ‘මයිනාගෝගම’ යනුවෙන් විරෝධතා ස්ථානයක් නම් කිරීමට අරගලකරුවෝ පියවර ගෙන තිබිණ.
ජනතාව පීඩනයට පත්කළ ආණ්ඩුව ඉල්ලා අස්විය යුතු බවට දේශීයවත් විදේශියවත් නැගෙන හඬට කන් නොදීම නිසා මේ අරගලය තවදුරටත් ව්යාප්ත කරන බව අරලියගහ මැදුර අසල සිටින ජනතාව පවසයි.
විරෝධතාකරුවන් ඉල්ලා සිටින්නේ අගමැති මහින්ද රාජපක්ෂ මහතා ප්රමුඛ ආණ්ඩුව වහා ඉල්ලා අස්විය යුතු බවයි.
අරලියගහ මන්දිරය ඉදිරිපිට උද්ඝෝෂණයේ යෙදී සිටින මෙම පිරිස ඉවත් කිරීමට නියෝග කරන්නැයි ඉල්ලා කොල්ලුපිටිය පොලිසිය කළ ඉල්ලීමක් ඊයේ කොළඹ අතිරේක මහේස්ත්රාත්වරයා ප්රතික්ෂේප කළේ ය.
ඉන් නොනැවතුණු පොලිසිය අරගලයේ සිටින පිරිසට බාධාවන අයුරින් පදික තීරුවේ පොලිස් බස් රථ ගාල් කිරිමට ද පියවර ගෙන තිබිණ.
මේ සියල්ල හමුවේ තරුණ තරුණියන් අරලියගහ මැදුර අසල රැය පහන් කරමින් අරගලය ඉදිරියට ගෙන යමින් සිටී.
