ශ්රී ලංකාවේ විශාලතම හා අංක 01 දේපළ වෙළෙඳ සමාගම වන ප්රයිම් සමූහය, තවත් සුවිශේෂ මෙන්ම ස්වභාවධර්මයේ අනුහස් ලත් සුඛෝපභෝගී ජීවන අත්දැකීමක් ඔබ වෙත ගෙන එමින් සිය නවතම සුඛෝපභෝගී නිවාස ව්යාපෘතිය වන“Lake Villas, Dambarawa” ව්යාපෘතිය නිමකර පාරිභෝගිකයන් අතට පත්කරනු ලැබීය.
ශ්රී ලංකාවේ කන්ද උඩරට අගනගරය වන සුන්දර මහනුවර පුරවරයේ දම්ඹරාව වැවට මායිම්ව ඉදිකළ සුඛෝපභෝගී නිවාස පෙළ වාස්තු විද්යාත්මකව ඉදිකරන ලද අද්විතීය නිර්මාණයකි. නිවාස හිමියන් 34කට ඔවුන්ගේ නව Villa නිවාසයන්හි යතුරු භාරදුන් අතර මෙම අවස්ථාවට සමගාමීව පැවති ප්රියසම්භාෂණය මෙම සැන්දෑව තවත් විචිත්රවත් කළේය.
“Lake Villas, Dambarawa”, මහනුවර නගරයට නුදුරින් පිහිටි අක්කර හයක භූමියක් පුරා පැතිරී ඇති පර්චස් 20කට වඩා වැඩි බිම් කොටස් තුළ මනා ඉඩකඩ සහිත සුඛෝපභෝගී හා සුන්දර Villa නිවාසයන් 34කින් සමන්විත වේ.
සිත් ඇඳගන්නාසුලු ගෘහනිර්මාණ ශිල්පය සමගින්, තේක්ක සහ මහෝගනී දොරවල්, සම්පුර්ණයෙන්ම සවිකර ඇති මුළුතැන්ගෙය සහ නාන කාමර, වායුසමීකරණ සහ දැව පඩිපෙළ ඇතුළත් සෑම ‘Lake Villas’ නිවෙසක්ම සුඛෝපභෝගී අත්දැකීමක් පාරිභෝගිකයන් වෙත සමීප කරනු ඇත. ඊට අමතරව ආරක්ෂිත, දොරටු සහිතව සහ එහි පදිංචිකරුවන්ගේ එදිනෙදා අත්දැකීම් නංවාලීම සඳහා විවිධාකාර වූ පහසුකම්ද සලසනු ලබයි.
