ටොයොටා ලංකා සහ LOLC ජෙනරල් ඉන්ෂුවරන්ස් වෙතින් ‘ටොයොටා InsureX මෝටර් රක්ෂණ’…

ශ්‍රී ලංකාවේ ප්‍රමුඛ පෙළේ සමාගම් ද්විත්වයක් වන LOLC ජෙනරල් ඉන්ෂුවරන්ස් සහ ටොයොටා ලංකා එකට එක්ව සිය පාරිභෝගිකයා වෙනුවෙන් සුවිශේෂ වරප්‍රසාද රැසකින් යුත් ශ්‍රී ලංකාවේ ප්‍රථම සම-සන්නාම රක්ෂණ විසඳුම් පැකේජයක් හඳුන්වාදී ඇත.

අදාළ සේවා දියත්කිරීමේ වැඩසටහන ටොයොටා ලංකා ප්‍රධාන කාර්යාලයේදී පසුගියදා සිදුකෙරිණි.

මෙහිදී හඳුන්වා දුන් නව ටොයොටා InsureX රක්ෂණ පැකේජය හරහා නිෂ්පාදිත වර්ෂයේ සිට අවුරුදු 10 දක්වා ඇති ටොයොටා මෝටර් රථ අනතුරු හා සම්බන්ධ අලුත්වැඩියා කිරීම් කිසිදු වියදමක් ඇති නොවන ආකාරයට Brand new parts යොදා සිදුකර ගත හැක. එනම් අදාළ වියදම් අයිතිකරුවන්ගේ දායකත්වයෙන් තොරව (ZERO owners share) සිදුවේ. ටොයොටා InsureX මෝටර් රක්ෂණ පැකේජය ලබාගැනීමට අපේක්ෂාවෙන් පසුවන පාරිභෝගිකයන්ට වත්තල පිහිටි ටොයොටා ලංකා ප්‍රධාන කාර්යාලයෙන් (Kiosk යන්ත්‍රය හරහා) අදාළ සේවා ලබාගත හැකිය.

මෙම සුවිශේෂ රක්ෂණ පැකේජය මිලදී ගන්නා ටොයොටා ලංකා සහ LOLC ජෙනරල් ඉන්ෂුවරන්ස් ගනුදෙනුකරුවන්ට, බරපතළ රෝගාබාධ ආවරණය, ගෘහ රක්ෂණය සහ වාහන සේවා සහ අලුත්වැඩියාවන්, ටයර් මිලදීගැනීම් සහ ඔටෝ ඩීටේලින්ග් සඳහා විශේෂ වට්ටම්ද හිමිවේ.