දකුණු අප්රිකානු සම්භවයක් ඇති නව ‘මු’ (සී .1.2) කොවිඩ් -19 ප්රභේදය ශ්රී ලංකාවට ඇතුළු වීමේ හැකියාව සෞඛ්ය බලධාරීන් විසින් පිළිගැනීමත් සමඟම, දකුණු ඇමරිකානු සහ අප්රිකානු රටවල මගීන් සීමා කරමින් සංචාරක තහනම තවදුරටත් ක්රියාත්මක කිරීමට ශ්රී ලංකා සංචාරක බලධාරීන් පියවර ගෙන තිබේ.
ශ්රී ලංකා සංචාරක සංවර්ධන අධිකාරියේ අධ්යක්ෂ ජනරාල් ධම්මිකා විජයසිංහ කියා සිටියේ කොවිඩ් -19 වසංගත තත්ත්වය හේතුවෙන් සෞඛ්ය අමාත්යාංශයෙන් ලද උපදෙස් අනුව සියලුම ගුවන් සමාගම්වලට ඒ බව දැනුම් දුන් බවයි.
ඒ අනුව දකුණු අප්රිකාව, ඇන්ගෝලාව, බොට්ස්වානා, ලෙසෝතෝ, මොසැම්බික්, නැමීබියාව, ස්වාසිලන්තය, සැම්බියාව සහ සිම්බාබ්වේ යන රටවල සංචාරකයන්ට ශ්රී ලංකාවට ගොඩ බැසීමට අවසර නොමැත.
නැවත දැනුම් දෙන තුරු දකුණු ඇමරිකානු කලාපයේ සියලුම රටවලින් ගමනාගමනය සීමා කෙරේ.
අදාළ සෞඛ්ය අනු කමිටුව ඉදිරියේදී එම සීමා සංශෝධනයට අදාළව තීරණයක් ගන්නා බව ද ඇය පැවසුවාය.
