වනජීවී සහ වනසංරක්ෂණ දෙපාර්තමේන්තුවේ වත්මන් ක්රියා පටිපාටිය සම්බන්ධයෙන් මේ වනවිට ආණ්ඩුව ඇතුළේ බරපතළ විවේචනයක් එල්ල වෙමින් පවතින බව දැනගන්නට තිබේ.
දෙපාර්තමේන්තුවට අදාළ කරුණු සම්බන්ධයෙන් තොරතුරු විමසුවත් ඒ සදහා නිසි පිළිතුරු ලබා දීමට බලධාරීන් කටයුතු නොකිරීම මේ සදහා හේතු වී ඇති බව වාර්තා වේ.
අවම වශයෙන් අමාත්යවරයා හෝ අමාත්යංශයේ ඉහළ නිලධාරීන් හෝ යම්කිසි විෂය කරුණක් සම්බන්ධයෙන් තොරතුරු විමසා සිටි අවස්ථාවලදී පවා දෙපාර්තමේන්තුවේ ඉහළ නිලධාරීන් තමන් සන්තකයේ තොරතුරු නොමැති බව පවසා ඇති බවද දැනගන්නට ඇත.
එමෙන්ම මෙම දෙපාර්තමේන්තුවේ වසර 15කට අධික කාලයක් තිස්සේ මාධ්ය ඒකකයක් පැවතියද එහිද නිසි පරිදි තොරතුරු එක්රැස් කිරීමේ ක්රමවේදයක් පවා සකසා නොමැති බවක්ද දැනගන්නට තිබේ.
මේ හේතුවෙන් මාධ්යවල පළවන බොහෝ අසත්ය තොරතුරු නිවැරදි කිරීමේ ක්රමවේදයක් නොමැති බවත්, ඒ හේතුවෙන් අසත්ය තොරතුරු ජනගත වන බවත් පැවසේ.
ඒ අනුව වහාම මෙම නිලධාරීන් සම්බන්ධයෙන් විනය පරීක්ෂණ පවත්වා දැඩි ක්රියාමාර්ග ගත යුතු බවට අමාත්යංශය වෙත පැමිණිලි රැසක් ඉදිරිපත් වී ඇති බවද වාර්තා වේ.
