පොහොසත් රටක් ලස්සන ජීවිතයක් නිර්මාණය කරනවා කියා පොරොන්දු වූ වත්මන් රජය මේ මොහොත වන විට මෙරට අතිමහත් බහුතර ගොවිතැනේ නියැලෙන ජනතාවගේ ජන ජිවිත අමතක කර ගොවිතැන් කරන ජනතාවට ලබා දෙන ශක්තිය අහිමි කර ඇති බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ අද පාර්ලිමේන්තුව අමතමිනි.
කෘෂිකර්මාන්තයේ නියැලී සිටින ගොවි ජනතාවට විශේෂිත පොරොන්දු මාලාවක් ඉදිරිපත් කළත් අද වන විට ගොවියාට ලැබිය යුතු ගුණාත්මක බීජ, පොහොර, යූරියා, වල් නාශක, උපකරණ මිල ඉහළ යාම නිසා අධික පිරිවැයක් දැරීමට සිදුව ඇති බවත් ලැබෙන පොහොර පවා සීමාසහිත වීමත් ගුණාත්මකභාවයෙන් පහළ වීමත් මිල අධික වීමත් නිසා ගොවියා අසරණ වී ඇති බවත් ගොවියා වෙනුවෙන් කිඹුල් කදුලු හෙලපු මේ රජය අද ගොවියා අමතක කර ගොවියාට ලැබිය යුතු ස්ථාවර මිල පවා නොලැබෙන බවත් විපක්ෂ නායකවරයා පැවසීය.
ගොවි ජනතාව වෙනුවෙන වූ පොරොන්දු කිසිවක් ඉටු කර නැහැ
කණකර දේපල උගස් කර ගොවිතැන් කටයුතු කරන මේ ගොවියා රජයේ අකාර්යක්ෂමතාව හා සංවේදීභාවය නොමැති වීම නිසා අසරණ වි ඇති බවත් පොරොන්දු වූ කිසිවක් අද ගොවියා වෙනුවෙන් සිදු නොවන බවත් වන අලි මිනිස් ගැටුම සතා සිව්පාවා සහ මිනිසා අතර ඇති ගැටුම නිසා වගා හානි නිවාස දේපල හානි මෙන්ම සතුන්ගේ ජීවිත පවා අහිමි වුවත් මේ කිසිදු ගැටලුවකට තිරසර විසදුමක් ලබා දෙන්න රජය අපොහොසත් වි ඇති බවත් විපක්ෂ නායකවරයා පැවසීය.
රු. 150 ස්ථාවර මිලත් අද නැහැ
ගොවි ජනතාව සමග ඇති කර ගත් මැතිවරණ සමාජ ගිවිසුම මේ රජය උල්ලංඝනය කිරිම නිසා ගොවි ජනතාව අද පාරට බහින්න සූදානමින් සිටින බවත් මෙවැනි තත්ත්වයක් තුළ වගා බිමට ගොස් කුඹුරට ගොස් ගොවියා සමග අත්වැල් බැද ගෙන එදා පොරොන්දු වූ ඉහළ ස්ථාවර මිල ලබා දෙන ඉල්ලා සිටින බවත් වී කිලෝවට රු.150ක ස්ථාවර මිල නීතියක් කරනවා කිව්වත් රජයට එය ද ඉටු කරන්න නොහැකි වී ඇති බවත් විපක්ෂ නායකවරයා පැවසීය.
මේ රජය රාජ්ය සේවකයාත් අනාථ කර අවසන්
එසේම පරිපාලන ප්රතිපත්තිය තුළ රාජ්ය ප්රතිපත්ති ක්රියාත්මක කරන ප්රධානම අංශයක් වන ප්රාදේශිය ලේකම්වරු විසින් නිසි ආකාරව රාජකාරි කළ නොහැකි වී ඇති බවත් ඉන්ධන දීමනා ඇතුළු පහසුකම් නොමැති නිසා රාජකාරි කිරීමට නොහැකි වී ඇති බවත් සදුදා දින වෙනත් වැඩ නොකරන බවට ඔවුන් කියන බවත් මෙවැනි ආකාරයට ජාතික සංවර්ධන සැලසුම් ක්රියාත්මක කළ නොහැකි බවත් අතින් තෙල් ගහන් රාජ්ය ප්රතිපත්ති ක්රියාත්මක කරන්න නොහැකි බවත් ග්රාම නිලධාරීවරයාගේ සිට රාජ්ය සේවය පවා බරපතල කළකිරිමට ලක්ව ඇති බවත් විපක්ෂ නායකවරයා වැඩිදුරටත් පැවසීය.
පාරම්පරික ආයුර්වේද වෛද්යවරුන් ද අනාථ කරා
ගොවියා අනාථ කිරිමත් රාජ්ය නිලධාරියා කොන් කිරීමත් කරන මේ රජය ආයුර්වේද ක්ෂේත්රයේ පාරම්පරික සර්වාංග හා විශේෂඥ වෛද්යවරුන්ගෙ ලිඛිත හා ප්රායෝග පරීක්ෂණ නතර කිරීම නිසා 2025 ජූලි මාසයේ සිට මේ වන තෙක් දේශීය ආයුර්වේද වෛද්ය සභාවේ නොහැකියාව තුළ 700කට වැඩි ප්රමාණයක් පාරම්පරික සර්වාංග වෛද්යවරුන්ගේ ලියාපදිංචිය පවා තහනම් කර ඇති බවත් අද වන විට ආයුර්වේද වෛද්ය ක්ෂේත්රය පවා මේ රජය බිද වට්ටවා ඇති බවත් විපක්ෂ නායකවරයා පැවසීය.
භාණ්ඩාගාරයෙ ඇති මුදල්වලින් ජනතාවට සහන දෙන්න
මේ දුර්දාන්ත රජයේ දුර්වල ප්රතිපත්ති නිසා ජනතාව අන්ත අසරණ වී ඇති බවත් භාණ්ඩාගාරය පිරී ඉතිරී යන්න ඇති මුදල් උපයෝගී කර ගෙන ජනතාවගේ ජිවත් වීමේ අයිතිය තහවුරු කරන ලෙසත් ජන හිතකාමී ජනතාවාදී විපක්ෂයක් ලෙස මේවා ඉටු වන තෙක් අපේක්ෂාවෙන් සිටින බවත් විපක්ෂ නායකවරයා පැවසීය.
