අද වන විට බලතල ත්රිත්වයක් මත ගොඩනැගුණු ප්රජාතන්ත්රවාදී රාජ්ය තුළ විධායකය ක්රමානුකූලව බලය ශක්තිමත් කරමින් ව්යවස්ථාදායකයේ බලය පලුදු කරන්නටත් අධිකරණ ක්ෂේත්රයට ඇගිලි ගසා අධිකරණයේ ස්වාධිනත්වය විනාශ කරන්නටත් මාධ්ය නිදහස සීමාසහිත කිරීමටත් කටයුතු කර ඇති බවත් මාර්ගගත ක්රමවල සුරක්ෂිතභාවය පනත උපයෝගී කර ගෙන මාධ්ය නිදහස පදුලු කරනවා සේම ජනතාවගේ මූලික අයිතිය සේම ආර්ථික, සමාජයී, සංස්කෘතික හා ආගමික අයිතිය පවා පලුදු කර ඇති බවත් ත්රස්තවාදය වැළැක්වීමේ පනත වැරදි ආකාරයට උපයෝගී කර ගෙන ප්රජාතන්ත්රවාදය විනාශ කර ඇති මේ යුගයේ දීර්ඝ කාලීනව පවතින සිවිල් සමාජ ව්යාපාරයක අවශ්යතාව ඇති බවත් එය ප්රජාත්නත්රවාදී ව්යුහයේ සංවරණ හා තුලන මනාව ඉටු කළ හැකි සිවිල් සාමාජ ව්යාපාරයක් බවට පත් කිරීම අතිශය වැදගත් බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
ශ්රී ලංකාවේ බිහි වූ ප්රජාතන්ත්රවාදය සුරැකීමේ අරමුණ සාක්ෂාත් කරන දැවැන්තම සිවිල් සමාජ ව්යාපාරය බිහි කිරීමේ අරමුණින් විපක්ෂ නායක කාර්යාලයේ දී සිවිල් සමාජ රැසක නියෝජිත පිරිසක් සමඟ පැවැති හමුවකදී විපක්ෂ නායක සජිත් ප්රේමදාස මහතා මේ බව කියා සිටියේය.
2015, 2019 සහ 2024 මැතිවරණවල දී ජනතාවගේ තීන්දු තීරණ ගැනීමේ ක්රියාවලියට සාධනීය බලපෑමක් සිදු කළ වැදගත් පාර්ශ්වයක් ලෙස සිවිල් සංවිධාන ව්යාපාරය හැඳින්විය හැකි බවත් මේ සිවිල් සංවිධාන ව්යාපාරවල ආයු කාලය ඉතාම සීමිත වූ බවත් මැතිවරණ ජයගැනීම අවසන් වූ පසු මේ සිවිල් සංවිධාන තුට්ටු දෙකට මායිම් නොකර තත්ත්වයකට පත්වූ බවත් යහපාලන රජය බිහි කරන්නට මෛත්රීපාල සිරිසේන මහතා ජයග්රහණය කරවන්න සිවිල් සංවිධාන ව්යාපාරය සුවිශේෂ දායකත්වයක් ලබා දුන්නත් ජයග්රහණයෙන් පසුව සාධාරණ සමාජයක් නිර්මාණය කිරීමට පෙරට ආ ඒ ව්යාපාරය දැවැන්ත කළකිරීමකට පත්වූ බවත් විපක්ෂ නායකවරයා පැවසීය.
අපේ අරමුණ මැතිවරණ ජයග්රහණය පමණක් නොව ඇති කර ගත් සමාජ ගිවිසුම සක්රීය කිරීමයි
සිවිල් සමාජ ව්යාපාර මඟින් ජනතාවට යම් තොරතුරු ප්රමාණයක් ලබා දී ආණ්ඩු පත් කලත් පශ්චාත් මැතිවරණ සමයේ ජනතා අපේක්ෂා ඉටු නොවන විට බලයට පත් කණ්ඩායම් විසින් මේ සිවිල් සමාජ ව්යාපාරය විනාශ කර දමන්නට කටයුතු කළ බවත් සමගි ජන බලවේගය නිර්මාණය කරන සිවිල් සමාජ ව්යාපාරය යනු ජාතික න්යාය පත්රයක් සකස් කිරීමම නොව එම ගිවිසුම ජනතාව ඉදිරියට ගෙන ගොස් සමාජ ගිවිසුමක් සකස් කිරීම තුළ දේශපාලන ව්යාපාරය ශක්තිමත් කිරීම තුළ මැතිවරණ ජයග්රහණය පමණක් නොව පශ්චාත් මැතිවරණ සමයේ පොදුජනතාව සමඟ ඇති කර ගත් සමාජ ගිවිසුම සක්රීය කිරීමේ පෙරමග ගමන්කරුවන් බවට පත් කරන නව ව්යාපාරයක් ගොඩනැගීම බවත් විපක්ෂ නායක සජිත් ප්රේමදාස මහතා පැවසීය.
අගනුවර පමණක් නොව සෑම කුඩා ගමකටම මෙය විහිදිය යුතුයි
අගනුවර කේන්ද්රීය ප්රභූ කොටසකට පමණක් සීමා නොවී පළාත් 9ම දිස්ත්රික් 25ම සෑම ප්රාදේශීය ලේකම් හා ග්රාම නිලධාරී කොට්ඨාසයකටම සම්බන්ධ වී දැවැන්ත සිවිල් සමාජ ව්යාපාරයක් ගොඩනැගිය යුතු බවත් එය ලක්ෂ 220 ජනතාවගේ ප්රජාතන්ත්රවාදී අභිමථාර්ථ මුදුන්පත් කිරීමට කටයුතු කිරීමක් බවත් විපක්ෂ නායකවරයා පැවසීය.
ජන වරම ආරක්ෂා කරන සිවිල් සමාජ ව්යාපාරයක් තමයි රටට අවශ්ය
දූෂණ විරෝධි ක්රියාදාමය, කුසලතා මත පදනම් වූ ක්රමවේදය, ජීවත් වීමේ අයිතිය ලබා දීම, ප්රතිගාමී බදු ක්රමය තුළ අසහනයට පීඩනයට පත් ජනතාවගේ අයිතිවාසිකම් ආරක්ෂා කිරීම ආදී අරමුණු පෙරටු කර ගත් මේ සිවිල් සමාජ ව්යාපාරයේ ආරම්භක කමිටුව ලබන මාසයේ පැවැත්වීමට අදහස් කරන බවත් මෙය ද පසුගිය කාලයේ නිර්මාණය වූ සිවිල් සමාජ ව්යාපාරවලට වඩා වෙනස් බවත් මේ ජනතා නියෝජනත්වය තමන් පත්වන වරම ආරක්ෂා වන ආකාරයට ක්රියාත්මක විය යුතු බවත් විපක්ෂ නායකවරයා පැවසීය.
ලසන්ත වික්රමතුංග මහතාගේ කරපිටින් බලයට පැමිණි අය අද ඔහු අමතක කරලා
ලසන්ත වික්රමතුංග මහතාට කදුලු හෙලු ලක්ෂ ගණනක් ජනතාව රටේ ඇති බවත් ඔහුගේ මරණය උපයෝගී කර ගෙන බලය ලබා ගත් සෑම අයකුම ඔහුගේ මරණය සම්බන්ධයෙන් සොයා නොබැලූ බවත් මේවා ගැන සෙව්වේ නැති වූවාට ලබා ගත් වරම නම් අමු අමුවේ උල්ලංඝනය කර ඇති බවත් සමගි ජන බලවේගය නිර්මාණය කරන සිවිල් සමාජ ව්යාපාරය තුළින් ජන වරම පාවා නොදෙන බවත් ලක්ෂ 220 ජනතාව සමඟ අත්සන් කරන සමාජ ගිවිසුම අකුරටම ක්රියාත්මක කරන නෛතික කටයුත්තක් බවට පත් කරන බවත් විපක්ෂ නායකවරයා පැවසීය.
අදත් ඇත්තේ ජන වරම අමු අමුවේ උල්ලංඝනය කළ ප්රජාතන්ත්ර විරෝධී සාහසික ඒකාධිපති පාලනයක්
අවස්ථා ගණනාවකදීම රටේ ජනතාවට මුහුණ දෙන්න සිදු වූයේ ජන වරම උල්ලංඝනය කළ පාලනයන්ට බවත් අදත් ඇත්තේ ජන වරම අමු අමුවේ උල්ලංඝනය කළ ජනතා අයිතිය විනාශ කළ ප්රජාතන්ත්ර විරෝධී සාහසික ඒකාධිපති පාලනයක් රටේ ඇති බවත් විපක්ෂ නායකවරයා වැඩිදුරටත් පැවසීය.
