භාණ්ඩාගාරය මේ වනවිට පිරී ඉතිරී ගොස් ඇති බවටත්, ඒ හේතුවෙන් තමන්ට සතුටු බවටත් සජබ මන්ත්රී ආචාර්ය හර්ෂ ද සිල්වා මහතා අයවැය විවාදය ආරම්භ කරමින් ආණ්ඩුවට හොද කීවද විපක්ෂනායක සජිත් ප්රේමදාස මහතා එම ප්රකාශය විවේචනයට ලක් කරමින් ආණ්ඩුවේ අයවැය දැඩිව විවේචනයට ලක් කිරීමට පියවර ගෙන තිබිණ.Sri Lanka Latest News
ඒ අනුව විපක්ෂායකවරයා කියා සිටියේ ජනතාවට බදු පිට බදු පටවමින් භාණ්ඩාගාරය පිරවීමට මොන්ටිසෝරි ළමයෙකුට වුව හැකියාව ඇතැයි කියාය.
කෙසේවෙතත් ආචාර්ය හර්ෂ ද සිල්වා මහතා විපක්ෂය වෙනුවෙන් විවාදය ආරම්භ කරමින් ආණ්ඩුවේ අයවැයට ප්රශංසා කිරීම සම්බන්ධයෙන් විපක්ෂනායක කාර්යාලයේදී සජබ මන්ත්රීවරුන් රැසක්ම සිය විරෝධය පළ කොට තිබිණ.
එහිදී මන්ත්රීවරුන් පෙන්වා දී තිබුණේ හර්ෂ ද සිල්වා ආණ්ඩුවට කඩේ යමින් අයවැය විවාදය සම්පූර්ණයෙන්ම කඩාකප්පල් කළ බවත්, විපක්ෂනායකවරයා පවා ජනාධිපතිවරයාගේ තේ පැන් සංග්රහයට නොගොස් තිබියදී හර්ෂ ද සිල්වා සහ කබීර් හෂීම් ඊට එක්වෙමින් ජනාධිපතිවරයා සමග කතාබස් කරමින් සිටීම පිළිගත නොහැකි බවත්ය.
