ත්රීකුණාමල දිස්ත්රික්කයේ නගර සහ කඩවත් සතර බලප්රදේශය කේන්ද්ර කර ගෙන නහරවෙට්ටුවාන්, මද්දියවේලි, මුත්තුනගර් යන බලප්රදේශවල පවුල් 350ක් පුද්ගලයන් 1000කට වැඩි ප්රමාණයක් 1972 සිට වසර 53ක් නොකඩවාම අඛණ්ඩවම බඩඉරිගු, වී ගොවිතැන, එළවළු ගොවිතැන, රටඉදි, කොමඩු ආදී වගා කටයුතු කළ ගොවිබිම් අක්කර 800ක් 2023 සිට නතර කර ඇති බවත් 2024 අගෝස්තු මාසයේ නඩු දමා 2025 අධිකරණ නියෝගයක් මත මේ වගා බිම් තහනම් කළ බවත් විපක්ෂ නායකවරයා පැවසීය.Sri Lanka Latest News
1972 සිට මේ ප්රදේශයේ ජනතාව දිසාපතිවරු ප්රාදේශීය ලේකම්වරු හමු වී මේ ඉඩම්වලට බලපත්ර ඉල්ලුම් කර ඇති නමුත් ඒවා ප්රතික්ෂේප කර ඇති බවත් වසර 50කට වැඩි ප්රමාණයක් වගා කටයුතු කළ ඉඩම් වරායේ ඉඩම් කියා අයිතිවාසිකම් කියා ගොවිතැන තහනම් කර අක්කර 200ක් සෝලා බලශක්තිය වෙනුවෙන් සමාගම් ගණනාවකට ලබා දී ඇති බවත් සූරිය බලශක්තිය ප්රවර්ධනය කරන්න විරුද්ද නැති මුත් වගා භූමියේ අක්කර 800කින් අක්කර 200ක් මංකොල්ල කා සෝලා ව්යාපෘති සඳහා ලබා දීමට විරුද්ධ බවත් සෝලා ව්යාපෘති සඳහා ඇති තරම් ඉඩම් තිබුණත් මේ පවුල් 350 ඉලක්ක කර වගා භූමිය විනාශ කර සෝලාවලට වෙන් කිරීම බරපතල ආසාධාරණයක් හා ඉඩම් මෙන්ම වගා අයිතිය කොල්ලකෑමක් බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ ත්රිකුණාමලය ආසනයේ මුත්තු නගර් ගම්මානයේ ගොවීන්ගේ ඉඩම් ගැටලුවට සම්බන්ධයෙන් සොයා බැලීමට ගිය අවස්ථාවේදීය.
මේ ඉඩම්වලට පොහොර සහනාධාරය, ගොවි ණය, වගා ණය ආදිය ලබා දී ඇති බවත් මේවා දුන් පසුගිය ආණ්ඩුවේ අයත් එකට එකතු වී මේ ඉඩම් කොල්ලකා ඇති බවත් මැති ඇමතිවරු වගා කටයුතු ගැන සාකච්ඡාවලට පැමිණ වගා කටයුතු ගැන සොයා බලා ආශිර්වාද කළත් මෙසේ අනුමත වූ ගොවිබිම් පසුගිය ආණ්ඩුව මෙන්ම වත්මන් ආණ්ඩුවත් මේ ඉඩම් මංකොල්ලය අනුමත කර ඇති බවත් පාසල්, කෝවිල්, පල්ලි ආදිය පවා බිහි ව ඇති බවත් මේ වන විට මුත්තුනගරකුලම් වැව විනාශ කර ඇති බවත් අනික් වැව් පවා විනාශ කරන්න යන බවත් විපක්ෂ නායකවරයා පෙන්වා දුන්නේය.
ධන බලයයි රාජ්ය බලයයි උපයෝගී කර ගෙන ඉඩම් මංකොල්ල කනවා
ධන බලය, රාජ්ය බලය උපයෝගී කර ගෙන මේ ආකාරයට ඉඩම් මංකොල්ල කන්න නොහැකි බවත් සමගි ජන බලවේග රජයක් යටතේ මේ ඉඩම් නැවත ලබා දෙන බවත් එමෙන්ම වගා නොකරණ මුඩු බිම්වලින් සූර්ය බලශක්ති ව්යාපෘතිය ක්රියාත්මක කළ හැකි බවත් ඒ සඳහා වගා බිම් යොදා ගැනීම සිදු නොකළ යුතු බවත් සූර්ය බලශක්තිය ප්රවර්ධනය කළ යුත්තේ ගොවි බිම් සූරා ගෙන නොවන බවත් අවම වශයෙන් වාරි පහසුකම් සහිත විකල්ප ඉඩම් ලබා දීමට රජයට හැකියාව තිබුණත් එය ද නොකළ බවත් පැවසූ විපක්ෂ නායකවරයා කියා සිටියේ නඩු දමා ආරක්ෂක අංශ උපයෝගී කර ගෙන ගොවිජනතාව බියවද්දවන බවයි.
පළාත් සභා ඡන්දය ආවම අපි උත්තර දෙමු
මේ සම්බන්ධයෙන් තමා මාධ්ය තුළත්, පාර්ලිමේන්තුවේත් ඉන් පිටතත් අවස්ථා කිහිපයකදීම කතා කළ බවත් මේ සම්බන්ධයෙන් නිදහස් නිවහල් ප්රජාතන්ත්රවාදී සටනක නියැලී අනිවාර්යෙන්ම මේ අයිතිය ලබා ගන්නා බවත් පළාත් සභා මැතිවරණය පැවැත්වූ පසු ජනතාවගේ උත්තරය ආණ්ඩුවට දීමට සූදානම් බවත් විපක්ෂ නායකවරයා පැවසීය.
