ආරම්භයේ පටන්ම කාලයෙන් කාලයට සිය රසික ප්රජාව වෙත සංගීතයේ නවමු අත්දැකීම් රාශියක් තිළිණ කළ M Entertainments ආයතනය සංගීත ලොවෙහි විශාල පෙරලියක් සිදු කිරීමට අත්පොත් තබා තිබෙනවා. ඒ ශ්රී ලංකාවට මෙන්ම මුලුමහත් ලෝකයටමත් නවමු සංගීත ආරක් එකතු කරමින්. Sri Lanka Latest News
‘Sri Pop’ යන නමින් නම් කොට ඇති මෙම නව සංගීත ආර ශ්රී ලාංකික සංස්කෘතියේ ඇති ශ්රී ලංකාවට පමණක් ආවේණික සංගීත ආභාෂයන් නවීන සංගීත ආරයන් සමඟ සංකලනය කරමින් නවමු ආකාරයේ නිර්මාණයන් බිහි කරනවා. ‘Sri Pop’ හරහා සම්ප්රදායික ශ්රී ලාංකේය සංගීත මෙවලම් වන යක් බෙර, ගැට බෙර වැනි සංගීත භාණ්ඩ සමඟ නව බටහිර සංගීතයේ අලංකාර සංගීත රේඛා සමඟ මිශ්ර කර විශේෂ සංගීත අත්දැකීමක් එලිදැක්වීමට කටයුතු මේ වන විටත් සැකසෙමින් පවතිනවා. මේ හරහා ශ්රී ලංකාවේ සංගීත විවිධත්වය සම්ප්රදායත්වයද රැකගනිමින් ලෝකයට හඳුන්වාදීම කෙරෙනවා.
මෙම කර්තර්වයට ශ්රී ලංකාවේ සංගීත ක්ෂේත්රයෙහි ප්රවීන මෙන්ම නවක සංගීත නිර්මාණකරුවන් මෙන්ම ගායක ගායිකාවන්ද විශාල ප්රමාණයක් දැනටමත් සම්බන්ධ වී සිටිනවා. මේ දිනවලදී ලංකාවේ ප්රචලිතම රියැලිටි තරගාවලිය වන සිරස Dancing Star වේදිකාවෙහි එළඹෙන සතිඅන්තයේදී ‘Sri Pop’ සංගීත ආරයට සැකසූ ගීතයන් වලට කණ්ඩායම් තමන්ගේ නර්තන ඉදිරිපත් කිරීම් සිදුකරනු ඇති.
