ඉල්ලීම් කිහිපයක් මුල් කර ගනිමින් රජයේ වෛද්ය නිලධාරීන්ගේ සංගමය විසින් අද (25) සිදු කිරීමට සැලසුම් කර තිබූ දීප ව්යාප්ත වැඩ වර්ජනය අත්හිටුවීමට තීරණය කර තිබේ.Sri Lanka Latest News
අමාත්ය වෛද්ය නලින්ද ජයතිස්ස මහතා සමඟ සාකච්ඡා කර ලිඛිත සහතිකයක් ලබා දීමෙන් පසු මෙම තීරණය ගෙන ඇති බව වාර්තා වේ.
දුෂ්කර පළාත්වල රෝහල් වැසී යාමේ අවදානමත්, රෝගීන්ට හිඟ ඖෂධ මිලදී ගැනීම සඳහා රජයෙන් එල්ල කර ඇති සෘජු බලපෑමත්, ප්රමිතියෙන් යුතු ඖෂධ සහ උපකරණ රෝහල්වලට ලබා නොදීම හරහා නිදහස් සෞඛ්ය බිඳ වැටීමේ අවදානමත් සැලකිල්ලට ගනිමින් මෙම වැඩ වර්ජනය ආරම්භ කරන බව ඊයේ නිවේදනයක් නිකුත් කරමින් එම සංගමය සඳහන් කළේය
එහි වැඩිදුරටත් සඳහන් වූයේ රජයේ වෛද්ය නිලධාරීන්ගේ සංගමය නිවේදනයක් නිකුත් කරමින් සඳහන් කරන්නේ සෞඛ්ය අමාත්යංශය තුළ අවිධිමත්, අකාර්යක්ෂම, විනිවිධ භාවයකින් තොර ක්රියාවලින් හරහා වෛද්යවරුන්ගේ ස්ථාන මාරු ක්රියාවලිය ද, වෛද්යවරුන් දුෂ්කර පළාත්වලට අනුයුක්ත කිරීමේ ක්රියාවලිය ද මේ වන විට සම්පූර්ණයෙන් පාහේ බිඳ වැටී ඇති බවය.
එමෙන්ම මේ නිසා රට පුරා රෝහල් 200කට ආසන්න ප්රමාණයක් වැසීයාමේ අවදානමකට මුහුණ පා තිබෙන අතර අනිත් රෝහල්වලත් වෛද්යවරුන් හිඟ වීම හරහා යම් ඒකකවල කටයුතු අඩාල වීමේ අවදාමනක් මතුව ව ඇති බවත් එම නිවේදනයේ සඳහන් විය.
