ප්රියසාද් පවුලේ දූවරු තුන්දෙනා හැමදාමත් එක වාගෙම ජනප්රියයි. ඒ වාගෙම ප්රියසාද් පවුලේ ලස්සන කෙල්ලො තුන්දෙනා හරි වාසනාවන්තයි කියලත් හැමෝම කියනවා. එයාලගේ යූටියුබ් චැනල් එහෙමත් හුඟක් ජනප්රියයි. අනෙක දිනක්ෂි, ශේෂාද්රි, ශනුද්රි කියන තුන්දෙනාම ෆැෂන් එකට අඳිනවා පලඳිනවා වාගෙම එයාලගේ යූටියුබ් චැනල්වලින් කරන ව්ලොග්ස් ටිකත් ලස්සනට මේන්ටේන් කරනවා. මේ කියන්න යන්නේ ඒ අපූරු සහෝදරියො තුන්දෙනාගේ බාලම සහෝදරිය ශනුද්රි ගැනයි. කට්ටිය එයාව හුඟක්ම දන්නේ ‘ශනු’ කිව්වම තමයි. අද ගොසිප් එකත් ශනුගේ සීන් එකක් තමයි.
පසුගිය දවස්වල ශනු හිටියේ හුඟක් බිසී වෙලා. හරියට නින්දකුත් එයාට තිබුණේ නැති ගානයි. නිදියන්න නැහැ කියන්නේ ඉතින් ශනු පිස්සු වැටෙන වැඩක් තමයි. ඒ තරමට ඈ නින්දට කෑදරයි. නින්ද මරනවා කියන්නේ පහුවදාට ඇගේ මූණයි ඇසුයි වගේම හිතත් මලානිකයි. නින්ද ගැන කිව්වා මදැයි. දැන් අපි කතාවට යමු. පසුගිය දවස්වලත් ශනුට නින්ද හරියකට ලැබුණේ නැහැ. ඒකට හේතුව අලුත්ම ටීවී කමර්ෂල් එකක ෂූටිං. දවස් කීපයක්ම රිහසල් එක්ක එක දිගටම වැටුණා. ළඟදීම ඒ ලස්සන ටීවී කමර්ෂල් එක ඔයාලට බලාගන්න පුළුවන් වෙයි කියලා එයාම කියලා තිබ්බා.
අනෙක් වැඩේ තමයි ලස්සන ශනු ගර්ල් එයාගේ අලුත්ම ෆිල්ම් එකේ මුහුරත් එකට සහ ෂූටිංවලට ලකලෑස්ති වෙන්න සිද්ධ වුණා. මොකද මුහුරත් එකෙන් පස්සේ හරි ඉක්මනට ෂූටිනුත් පටන් ගත්තා. ෆිල්ම් ගැන නම් වැඩි විස්තරයක් ඈ දීලා තිබුණේ නැහැ. සමහර ප්රඩියුසර්ලා ඩිරෙක්ටර්ස්ලා ඒකට කැමැති නැහැනේ. ඒ හින්දා එයා කතා කළේ පරිස්සමට වගේ. ෆිල්ම් එකේ නම නම් ‘අග්නි ජය’ කියන එක ඇය කිව්වා.
කොහොමත් ඉස්සරහටත් සති ගානකට ශනු බිසී තමයි ඉතින්. ඒකට හේතුව ‘අග්නි ජය’ ෆිල්ම් එක ලංකාවේ ෂූටිං ටික ඉවර වුණාට පස්සේ චිත්රපට කණ්ඩායම ඉතිරි ෂූටිං සඳහා විදේශගත වෙනවා. ශනුත් එයාලා එක්ක යන්න එපායැ ඉතිං. යන්නේ කොයි රටටද කියන එකත් රහසක් වුණා.
කොහොමත් එයා එයාගේ යූටියුබ් අනුගාමිකයන්ට පොරොන්දු වුණා ෂූටිං අතරවාරේ ඉඩ ලැබෙන මොහොතක එයාගේ ව්ලොග් ටික දානවා කියලා. මොකද එයා දන්නවා ගොඩක් දෙනා එයාලා එක්ක ජෙලසි වුණාට හුඟක් දෙනා එයාගේ සිත්කලු සුකුරුත්තම් දකින්න ආසයි කියලා. එහෙනම් ඉතින් ශනුට කැමැති හැමෝම එයාට ආදරණීය ‘ගුඩ්ලක්’ එකක් එක්ක ගුඩ්බායි එකක් දෙමු.
මල්මි කෞෂල්යා
