ජාතික පොලිස් කොමිෂන් සභාවේ ගිණුම් අංශයේ ගබඩාවක තිබූ, මුද්රණ යන්ත්ර සඳහා යොදවන රුපියල් 283,200කට අධික වටිනාකමක් ඇති ටෝනර් හයක් අස්ථානගත වී ඇති බව කුරුඳුවත්ත පොලීසිය පවසනවා.Sri Lanka Latest News
මෙම සිද්ධිය සම්බන්ධයෙන්, කොමිෂන් සභාවේ කළමනාකරණ සේවා නිලධාරිනිය විසින් පොලීසිය වෙත පැමිණිල්ලක් සිදුකර ඇති අතර, ඒ අනුව මැයි 09 වැනිදා ටෝනර් අටක් ලබාගත් අතර, එකක් පමණක් නිල වශයෙන් නිකුත් කර ඇති බවයි සඳහන් වන්නේ.
පසුව සිදුකළ පරීක්ෂණවලදී, කොමිෂන් සභාවේ භූමියේ තිබූ කාඩ්බෝඩ් පෙට්ටියකින් විවෘතව තැබූ ටෝනර් නවයක් හමුවී ඇති අතර ඒවා වෙනත් වර්ග දෙකකින් යුක්ත ටෝනර් වූ බවත්, ගබඩාවේ ලේඛනවලට අනුව නිසි ලෙස නිකුත් කර නොමැති බවත් පොලීසිය සදහන් කරවා.
අස්ථානගත වී ඇති එක් ටෝනරයක වටිනාකම රුපියල් 47,200ක් වන අතර, මෙම සිද්ධියට අදාළව කුරුඳුවත්ත පොලීසිය විසින් අපරාධ වාර්තා කොට්ඨාසයේ ඇඟිලි සටහන් විශේෂඥයින්ගේ සහයද ලබාගෙන විමර්ශන ආරම්භ කර තිබේනවා.
පොලීසිය සඳහන් කළේ, ගබඩාවෙන් නිලධාරීන් වෙත නිකුත් කරන භාණ්ඩ සම්බන්ධයෙන් නිසි වාර්තාකරණයක් නොමැතිව, විවෘතව භාවිතා කළ වස්තුවක් මෙලෙස හමුවීම සැක සහගත තත්ත්වයක් වන බවයි.
මෙම සිද්ධිය සම්බන්ධයෙන් කුරුඳුවත්ත පොලීසිය වැඩිදුර විමර්ශන තවදුරටත් ක්රියාත්මක කරමින් සිටිනවා.
