කාලගුණ විද්යා දෙපාර්තමේන්තුව විසින් වායුගෝලයේ විවිධ මට්ටම්වල උෂ්ණත්වය, පීඩනය ආදී තොරතුරු ලබා ගන්නා සංවේදී උපකරණයක් සහිත බැලුනයක් (Radio Zone) දිනකට දෙවරක් ගුවන්ගත කළයුතු වූවත්, මූල්ය ප්රතිපාදන නොමැතිවීම නිසා සංවේදී උපකරණය සහිත බැලුන ගුවන් ගත කරනු ලබන්නේ සතියකට තුන්වරක් පමණක් බව අනාවරණය වේ.Sri Lanka Latest News
මේ නිසා වායුගෝලයේ වැදගත් දත්ත ලබා ගැනීමේදී ගැටලු මතුවී ඇතැයි කාලගුණ විද්යා දෙපාර්තමේන්තුව කියයි.
පසුගිය අයවැයෙන්ද කාලගුණ විද්යා දෙපාර්තමේන්තුව මේ සදහා මූල්ය ප්රතිපාදන ඉල්ලා ඇතත්, ඊට මුදල් වෙන්කර නොමැති බව පැවසේ.
මෙම සංවේදී උපකරණය භාවිතා කිරීමට හැකියාව ඇත්තේ එක් වරකදී පමණි.මේ අනුව බැලුනය දිනකට දෙවරක් ගුවන් ගත කිරීමේදී මෙම සංවේදී උපකරණ දෙකක් අවශ්ය වේ. මෙම සංවේදී උපකරණයක වටිනාකම රුපියල් 50,000 කි.
කාලගුණ විද්යා දෙපාර්තමේන්තුව යටතේ ක්රියාත්මක වන නිරීක්ෂණ මධ්යස්ථාන ගණන 24 කි.
වායුගෝලයේ තොරතුරු අධ්යයනය කිරීම සදහා පොළොවෙන් ඉහළ දත්ත අවශ්ය වන බවත්, බැලුන් ගුවන්ගත කර එම තොරතුරු ලබා ගන්නා බවත් කාලගුණ විද්යා දෙපාර්තමේන්තුව කියයි.
කාලගුණ විද්යා දෙපාර්තමේන්තුව සතුව බැලුන් මධ්යස්ථාන හතරක් ඇති අතර, කොළඹ, හම්බන්තොට, මන්නාරම සහ ත්රිකුණාමලය යන දිස්ත්රික්කවල එම මධ්යස්ථාන පිහිටුවා තිබේ.
මෙම මධ්යස්ථාන හරහා බැලුන් වර්ග දෙකක් ගුවන් ගත කෙරේ. එක් බැලුන් වර්ගයක් මගින් වායුගෝලයේ විවිධ මට්ටම්වලදී සුළගේ වේගය සහ දිශාව පමණක් නිරීක්ෂණය කෙරෙන අතර, එම බැලුන Pilot –balloon observation නමින් හැඳින්වේ. අනෙක් වර්ගය Radio Zone නමින් හැඳින්වේ.
