පාර්ලිමේන්තුව මහළු මඩමක් බවට පත් වෙමින් තිබෙන්නේ යැයි, ගැටඹේ රාජෝපවනාරාමාධිපති, අතිපූජ්ය කැප්පෙටියාගොඩ සිරි විමල මහනායක හිමියෝ පවසති.Sri Lanka Latest News
පාර්ලිමේන්තුව තුළ සිටින මහළු මන්ත්රීවරු ස්වේච්ඡාවෙන් ඉවත් නොවන්නේ නම්, ඔවුන් ඉවත් කිරීම සදහා නව නීති සම්පාදනය කළ යුතු යැයි ද උන් වහන්සේ පවසයි.
හිටපු ක්රීඩා අමාත්ය රොෂාන් රණසිංහ මහතා උන්වහන්සේ බැහැදැකීමට පැමිණ අවස්ථාවේ දී කැප්පෙටියාගොඩ සිරිවිමල මහනායක හිමියෝ මේ බව පවසා ඇතැයි, අද වෙළද පොළට නිකුත්ව තිබෙන ඩේලි මිරර් පුවත්පත වාර්තා කරයි.
වයස අවුරුදු හැටට වැඩි පිරිස් රාජ්ය සේවයෙන් විශ්රාම ගැන්වීම සදහා නීති තිබුනද, පාර්ලිමේන්ත-ු මන්ත්රීවරුන්ට එම නීතිය අදාල නොවන බව පවසන සිරිවිමල මහනායක හිමියෝ, ස්වේච්ඡාවෙන් විශ්රාම නොයන්නේ නම්, මහළු දේශපාලනයෙන් පාර්ලිමේන්තුවෙන් ඉවත් කිරීම සදහා නව නීති සම්පාදනය කළ යුතු බවට යෝජනා කරයි.
පාර්ලිමේන්තුවේ සිටින මහළු දේශපාලනඥයන් රට ගොඩ නැගීම සදහා කිසිවන් නොකරන බව පවසන සිරිවිමල හිමියෝ, ඔවුන් කරන එකම දේ ජාතික සම්පත් විකිණීම බවද පවසති.
