කටුවපිටිය ශාන්ත සෙබස්තියන් සිද්ධස්ථානය ඉදිරිපිට අද (03) පෙරවරුවේ සාමකාමී විරෝධයක් පැවැත්විණි.Sri Lanka Latest News
ඒ, ලෙල්ලමේ සිද්ධිය සම්බන්ධයෙන් අගරදගුරු හිමිපාණන්ගේ ක්රියාකලාපය කතෝලික ආගමට අගෞරවයක් බවට පිටිපන මීසමේ එක්සත් ධීවර සමිතිය කළ ප්රකාශවලට එරෙහිවයි.
මීගමුව පිටිපන ලෙල්ලමේ අයිතිය සම්බන්ධයෙන් මේ වනවිට පවතින්නේ දැඩි මතගැටුමකි.
එහි අයිතිය සම්බන්ධයෙන් නඩු කටයුත්තක්ද පවතින අතර, කතෝලික සභාව ප්රකාශ කළේ ලෙල්ලම සිය භාරයට ගැනීම සඳහා නෛතික ක්රියාමාර්ගවලට පිවිසියේ ධීවරයින් වැඩි පිරිසකගේ සුබසෙත වෙනුවෙන් බවයි.
කෙසේ වෙතත් ලෙල්ලමේ සිද්ධිය සම්බන්ධයෙන් අගරදගුරු හිමිපාණන්ගේ ක්රියාකලාපය කතෝලික ආගමට ද අගෞරවයක් බව පිටිපන මීසමේ එක්සත් ධීවර සමිතිය ප්රවෘත්ති සාකච්ඡාවක් කැඳවමින් පසුගියදා ප්රකාශ කළේය.
මෙවන් පසුබිමක කාදිනල් රංජිත් හිමිපාණන්ට හා කටුවපිටිය කතෝලික ජනතාවට විරුද්ධව සිදුකළ අසත්ය ප්රකාශවලට බලවත් විරෝධය පළකරමින් කටුවපිටිය ශාන්ත සෙබස්තියන් සිද්ධස්ථානය ඉදිරිපිට අද පෙරවරුවේ සාමකාමී විරෝධයක් පැවැත්විණි.
